ე.წ. აგენტების კანონის საქმის განმწესრიგებელი სხდომის მესამე დღეს, საკონსტიტუციო სასამართლოში მოსარჩელე და მოპასუხე მხარეები მოსამართლეების შეკითხვებს პასუხობენ. მოსამართლე ევა გოცირიძე დაინტერესდა „უცხოური ძალის ინტერესების გამტარებელ ორგანიზაციათა“ რეესტრის სახელწოდებით, რომელში დარეგისტრირების ვალდებულებას ითვალისწინებს ე.წ. აგენტების კანონი. გოცირიძემ სასამართლო პროცესზე პარლამენტის წარმომადგენლებს ჰკითხა, ორგანიზაციისთვის დაფინანსების 20%-ის უცხოური დონორებისგან მიღება აუცილებლად ნიშნავს თუ არა უცხო ძალის ინტერესების გატარებას. „ამ ორგანიზაციებს ყველაზე მეტად აწუხებთ დასახელება, რომელსაც ჰქვია „უცხოური ძალის ინტერესების გამტარებელი ორგანიზაცია“, ეს შინაარსი ეფუძნება იმას, რომ ისინი იღებენ გარკვეული რაოდენობით, ფინანსურ დახმარებას. ჩემი შეკითხვა მდგომარეობს იმაში, რომ ვინმეს დაფინანსების, მათ შორის, უცხოური დაფინანსების მიღება, წარმოშობს თუ არა ისეთ ძლიერ პრეზუმფციას, რომ ჩვენ ვიგულოთ, რომ უკლებლივ ყველა შემთხვევაში ეს გულისხმობს დონორი ორგანიზაციის ინტერესების გატარებას. თუ ხშირ შემთხვევაში შეიძლება ასე იყოს, გამონაკლისები არ არის? მაშინ ეს გამონაკლისები რატომ არ არის გათვალისწინებული ასეთი შემთხვევებისთვის? მაგალითად, ზოგიერთ მსგავს კანონში აუცილებელი კომპონენტი იმისათვის, რომ ვინმე იყოს სხვისი ინტერესების გამტარებელი, იყო შემოტანილი დამატებითი კრიტერიუმები: მაგალითად, არსებობს სუბორდინაციული დამოკიდებულება დონორსა და ორგანიზაციას შორის, ვინც იღებს დაფინანსებას, ან პირდაპირ ასრულებს ბრძანებას, რეკომენდაციას. ან შეიძლება, უსიტყვო შეთანხმებაც იყოს და იყოს ასეთი უცნაური დამოკიდებულება; ან მოლოდინი, რომ ეს ორგანიზაცია მის ინტერესებს გაატარებს. ასეთი შინაარსი რატომ არ ჩადეთ? - აღნიშნა ევა გოცირიძემ და პარლამენტის წარმომადგენელს მიმართა, - თუ მიგაჩნიათ, რომ ვინც იხდის, ის უკვეთს მუსიკას და უნდა შესრულდეს აუცილებლად, ამას წყალი არ გაუვა... ძალიან ბევრჯერ ითქვა საჯარო სივრცეში, რომ ეს უცხოური ძალის ინტერესები შეიძლება ემთხვეოდეს ეროვნულ ინტერესებს და ორგანიზაცია თავის წარმოდგენაში გულწრფელად, ეროვნული ინტერესებიდან გამომდინარე საქმიანობდეს... რამდენად სამართლიანია, რომ ორგანიზაციას, რომელიც, ვთქვათ, 80%-ით ეროვნული ინტერესებით საქმიანობს და 20%-ით კი მისი დონორის ინტერესები ემთხვევა ეროვნულს, მაინც ერქვას „უცხოური ძალის ინტერესების გამტარებელი“. ასევე ნახეთ ენათმეცნიერ მარინა ბერიძის განმარტებით, „უცხოური ძალის ინტერესების გამტარებელს“ მხოლოდ უარყოფითი დამოკიდებულება აქვს პარლამენტის წარმომადგენლებმა მოსამართლეს უპასუხეს, რომ თანხის გადარიცხვას აუცილებლად მოჰყვება გარკვეული ინტერესები. „ჩვენ ვაცხადებთ, რომ ეს ტერმინი [„უცხო...