21
გურია, სამეგრელო, შიდა ქართლი, აჭარა - პოლიტიკური პარტიები 2024 წლის საპარლამენტო არჩევნებისათვის საარჩევნო კამპანიას რეგიონებში აგრძელებენ. „ქართული ოცნება“ რაჭაში „ქართული ოცნების" საარჩევნო კამპანია გურიაში, ოზურგეთში გრძელდება. კამპანიას კვლავ თან ახლავს საპატიო თავმჯდომარე ბიძინა ივანიშვილი.. მან შაბათს, 31 აგვისტოს ოზურგეთში გამართულ შეხვედრაზე კიდევ ერთი საკონსტიტუციო ცვლილება დააანონსა, რასაც საზოგადოებას „ქართული ოცნების“ გამარჯვების შემთხვევაში ჰპირდება. მისი თქმით, მართლმადიდებელ ეკლესიასთან კონსულტაციები წარმატებით დასრულდა და იმ შემთხვევაში, თუკი საპარლამენტო არჩევნებში „ქართული ოცნება“ საკონსტიტუციო უმრავლესობას მოიპოვებს, საქართველოს კონსტიტუციაში მართლმადიდებლობის, როგორც ქართული სახელმწიფოს თვითმყოფადობის საყრდენის მისია „მკაფიოდ აისახება“. „რა თქმა უნდა, საქართველოს კონსტიტუცია სრულად განამტკიცებს მართლმადიდებელი ეკლესიის დამოუკიდებლობისა და რწმენის თავისუფლების პრინციპებს“, - განაცხადა მან. ასევე ნახეთ „ეს ეკლესიის წინააღმდეგ გადადგმული ნაბიჯი იქნება“ - წინასაარჩევნო საუბრები სახელმწიფო რელიგიაზე „ნაციონალური მოძრაობა“ ზუგდიდში „ერთიანობა - ნაციონალური მოძრაობის“ ლიდერები კვირას, პირველ სექტემბერს სამეგრელოში, ზუგდიდის მუნიციპალიტეტის სოფელ დარჩელში იმყოფებოდნენ და ოფისი გახსნეს. „ნაციონალური მოძრაობის“ გენერალურმა მდივანმა პეტრე ცისკარიშვილმა განაცხადა, რომ ბიძინა ივანიშვილი ამომრჩეველს შეურაცხყოფას აყენებს, როდესაც ჰპირდება, რომ ოპოზიციის გაქრობის შემდეგ „წავალთ ევროპაში“: „თუ ქართველ ხალხს ისევ სურს ივანიშვილის რეჟიმი, მაინც გაგრძელებენ ცხოვრებას იზოლაციაში, სიღატაკეში და თუ უნდა ევროპა კეთილდღეობა, ევროპა, განვითარებული ქვეყანა, შეერთებულ შტატებთან ურთიერთობების აღდგენა, მაშინ უნდა აირჩიოს პროდასავლური ოპოზიცია“. три პარტიის თავმჯდომარე თინა ბოკუჩავა განაცხადა, რომ ექსპრეზიდენტ მიხეილ სააკაშვილს „განსაკუთრებული სიყვარული აკავშირებს ამ მხარესთან“ და „მას განსაკუთრებული იმედი აქვს სწორედ სამეგრელოსი, რომელმაც განსაკუთრებული როლი ითამაშა 2003 წლის ვარდების რევოლუციაში“. გახარიას „საქართველოსთვის“ გორში 31 აგვისტოს გორში შეხვდა მოსახლეობას და საარჩევნო შტაბი გახსნა ექსპრემიერმა გიორგი გახარიამ, პარტიის, „საქართველოსთვის“ ლიდერმა. იგი ახალ თანაგუნდელთან, პარლამენტარ თეონა აქუბარდიასთან ერთად იმყოფებოდა ერგნეთის ომის მუზეუმში. три „ლელო“ აჭარაში აჭარაში, ხელვაჩაურში იმყოფებოდნენ 30 აგვისტოს „ლელოს“ ლიდერები და მოკავშირეები. პარტიის ცნობით, ხელვაჩაურის რაიონის სოფელ მარადიდში მცხოვრები პირის თხოვნით, მათი კოალიიციის, „ძლიერი საქართველოს“ ლიდერი მამუკა ხაზარაძე თანაგუნდელებთან, ლევან ცუცქირიძესთან და ალეკო ელისაშ...
