1 სექტემბრის ღამეს რუსეთის 10-ზე მეტ რეგიონს დრონები დაესხა თავს, რის შედეგადაც ხანძარი გაუჩნდა მოსკოვის ჩრდილოეთით, ტვერის რეგიონში მდებარე კონაკოვსკის ჰიდროელექტრო სადგურს. რუსეთის ხელისუფლებამ განაცხადა, რომ ხანძარი ჩააქრო. უცნობია, თუ რა ზიანი მიადგა ჰიდროელექტრო სადგურს. ხანძრის ამსახველი ფოტო და ვიდეო მასალა ტვერის მცხოვრებლებმა ატვირთეს ტელეგრამის არხში. три გამოცემა „ბაზას“ ცნობით დრონი კაპოტნაში, მოსკოვის ნავთობგადამამუშავებელი ქარხნის ერთ-ერთ შენობას დაეჯახა, იქ ხანძარი გაჩნდა, რომელსაც აქრობენ. გავრცელდა ინფორმაცია, რომ თავდაპირველად ხანძარს მიენიჭა სირთულის უმაღლესი ხარისხი. მოსკოვის მერმა სერგეი სობიანინმა განაცხადა, რომ ხანძარი "ლოკალიზებულია" და ნავთობგადამამუშავებელი ქარხნის მუშაობას საფრთხე არ ემუქრება. три მოსკოვის ხელისუფლების განცხადებით, ქალაქთან მიახლოებისას რამდენიმე უპილოტო თვითმფრინავი ჩამოაგდეს. სოფელ სპარტაკში (ჟუკოვსკის ქალაქის რაიონი) დრონის ჩამოვარდნის შედეგად კერძო სახლი დაზიანდა, დრონების თავდასხმის გამო მუშაობა დროებით შეაჩერეს მოსკოვის ვნუკოვოს, დომოდედოვოსა და ჟუკოვსკის აეროპორტებმა. 43 თვითმფრინავი კი ავარიულად დაეშვა ალტერნატიულ აეროდრომებზე. გავრცელებული ინფორმაციით, ეს არის დრონებით ერთ-ერთი ყველაზე მასიური თავდასხმა მოსკოვზე უკრაინაში რუსეთის შეჭრის დაწყებიდან. უკრაინულ მხარს ამაზე კომენტარი ჯერ არ გაუკეთებია. ...