საქართველოში ვიზიტით იმყოფება სომხეთის თავდაცვის მინისტრი სურენ პაპიკიანი. ოფიციალური დახვედრის ცერემონიალის შემდეგ, მას პირისპირ შეხვდა ქართველი კოლეგა ირაკლი ჩიქოვანი. თავდაცვის სამინისტროს ცნობით, მხარეებმა მეზობელ ქვეყნებს შორის მეგობრული ურთიერთობის, რეგიონში მშვიდობისა და სტაბილურობის მნიშვნელობაზე ისაუბრეს. როგორც სამინისტრო მიუთითებს, გაფართოებულ შეხვედრაზე მხარეებმა საქართველოსა და სომხეთის თავდაცვის უწყებებს შორის 2024 წლის ორმხრივი თანამშრომლობის გეგმით გათვალისწინებული მიმართულებები განიხილეს. ირაკლი ჩიქოვანმა და სურენ პაპიკიანმა საქართველოსა და სომხეთის თავდაცვის უწყებებს შორის ორმხრივი თანამშრომლობის გეგმას 2024 წლის ივლისში, ერევანში მოაწერეს ხელი. სომხეთის თავდაცვის მინისტრი სურენ პაპიკიანი და საქართველოს თავდაცვის მინისტრი ირაკლი ჩიქოვანი. 2 სექტემბერი, 2024 წელი. თბილისი. სომხეთის თავდაცვის მინისტრმა თბილისში, გმირთა მემორიალთან პატივი მიაგო საქართველოს ტერიტორიული მთლიანობისთვის ბრძოლებში დაღუპულ მებრძოლთა ხსოვნას. ვიზიტის ფარგლებში პაპიკიანი შეხვდა საქართველოს პრემიერ-მინისტრს ირაკლი კობახიძეს. „აღინიშნა, რომ ორ ქვეყანას შორის გაფორმებული სტრატეგიული პარტნიორობის დეკლარაცია კარგ საფუძველს ქმნის სხვადასხვა მიმართულებით საქართველოსა და სომხეთის პარტნიორობის გასაღრმავებლად“, - იუწყება საქართველოს მთავრობის ადმინისტრაცია. ასევე ნახეთ საქართველომ და სომხეთმა „სტრატეგიული პარტნიორობის“ შესახებ მემორანდუმი გააფორმეს ასევე ნახეთ სომხეთს საქართველოს გავლით გადაეცა ფრანგული ჯავშანტრანსპორტიორები Bastion-ი - მედია ...