„ამნისტიის შესახებ“ კანონი ცივი იარაღის ტარებისთვის მსჯავრდებულ პირებზეც გავრცელდება და ისინი სისხლის სამართლის პასუხისმგებლობისგან განთავისუფლდებიან, ამის მიუხედავად ყველას მაინც არ შეეხება. ახალი ჩანაწერი გამონაკლის შემთხვევებს განსაზღვრავს. თუ, პირს ცივი იარაღის ტარებისთვის ადმინისტრაციული სახდელი აქვს დაკისრებული ან მის მიმართ დამცავი ან შემაკავებელი ორდერია გამოცემული, მას ამნისტია არ შეეხება. ეს საგამონაკლისო წესი არ ეხებათ ცივი იარაღის ტარებაზე მსჯავრდებულ იმ პირებს, რომლებსაც ადმინისტრაციული სახდელი ნარკოტიკების მოხმარების გამო დააკისრეს. მათ შეუძლიათ ამნისტიის უფლებით ისარგებლონ. სისხლის სამართლის კოდექსის 238 პრიმა მუხლი, რომელიც ცივი იარაღის ტარებისთვის პასუხისმგებლობას ადგენს, ამნისტიის შესახებ კანონს „ქართულმა ოცნებამ“ მეორე მოსმენის ეტაპზე დაამატა. ამ მუხლით ნასამართლევები ისჯებიან ჯარიმით ან შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორ წლამდე. იურიდიულმა კომიტეტმა კანონპროექტს მხარი მეორე მოსმენით მხარი დაუჭირა, რაც ნიშნავს, რომ ახლა მას სასესიო სხდომაზე განიხილავენ და კენჭს მეორე მოსმენით უყრიან. მხარდამჭერებს შორის იყვნენ ოპოზიციონერი დეპუტატები პარტია „გირჩიდან“. საყოველთაო ამნისტიის შესახებ კანონპროექტი თავდაპირველად მათ მოამზადეს და პარლამენტს წარუდგინეს, ქართულმა ოცნებამ კი თავისივე დაწერილი კანონპროექტს მიანიჭა უპირატესობა. მმართველი პარტია ამ კანონპროექტის წინასაარჩევნოდ მიღებას გეგმავს. ასევე ნახეთ ამნისტია და არჩევნები - "გირჩის" კანონპროექტის ნაცვლად "ოცნება" თავისას გაიტანს „ამნისტიის შესახებ“ კანონპროექტი პირველი მოსმენით, 82 ხმით პარლამენტის რიგგარეშე სესიის სხდომაზე, 19 ივლისს მიიღეს. ფრაქცია „ქართული ოცნების“ კანონპროექტს ოპოზიციიდან მხარი დაუჭირეს „გირჩმა“ და „ევროპელმა სოციალისტებმა“. ოპოზიციის დიდ ნაწილს ე.წ. აგენტების კანონის მიღების გამო პარლამენტში ბოიკოტი აქვს გამოცხადებული. ასევე ნახეთ „ამნისტიით ხელს ვერავინ მოითბობს“ - კანონპროექტი პირველი მოსმენით მიიღეს ამნისტიის კანონპროექტის განმარტებით ბარათში წერია მიზეზები, რომლებიც, ოფიციალურად, ამნისტიის გამოცემის საფუძველი გახდა. ერთ-ერთ მიზნად პენიტენციურ სისტემაში პატიმართა რაოდენობის შემცირება არის დასახელებული. „დღეის მდგომარეობით, ამნისტიის გამოცემის საკითხზე მსჯელობის აქტუალობას ძირითადად განაპირობებს ის გარემოება, რომ 100 000 მოსახლეზე პატიმართა რიცხოვნობის მიხედვით საქართველო ევროპის საბჭოს წევრ 46 ქვეყანას შორის ბოლოდან მეორე ადგილზეა და მხოლოდ თურქეთს უსწრებს. საქართველოს სტატისტიკის ეროვნული სამსახურის მიერ გამოქვეყნებული მონაცემებით, 2022 წელს საქართველოში პატიმართა რიც...