ზაპოროჟიეს საოლქო ადმინისტრაციის ხელმძღვანელის ივან ფედოროვის ინფორმაციით, ოლქის ცენტზე განხორციელებული სარაკეტო თავდასხმის შედეგად ორი ადამიანი დაიღუპა - 38 წლის ქალი და 8 წლის ბიჭი. კიდევ სამი ადამიანია დაშავებული. მათგან ერთი - 12 წლის გოგო რეანიმაციაში იმყოფება. ფედოროვის თანახმად, ნაწილობრივ დანგრეულია მრავალსართულიანი შენობა თუმცა, არ აკონკრეტებს რა შენობას გულისხმობს, მისსავე შეტყობინებაში ნათქვამია, რომ უკანასკნელი ღამის განმავლობაში რუსმა სამხედროებმა 313 დარტყმა განახორციელეს ზაპოროჟიეს 11 დასახლებულ პუნქტზე, საოლქო ადმინისტრაციაში 38 შეტყობინება შევიდა სახლებისა და ინფრასტრუქტურული ობიექტების ნგრევაზე. ზაპოროჟიეს ოლქზე გადის ფრონტის ხაზი, რომლის ნაწილი რუსეთის მიერაა ოკუპირებული. ასევე ნახეთ IAEA-ის ხელმძღვანელი უკრაინაში ჩადის, ზაპოროჟიეს ბირთვული სადგურის შესახებ შეშფოთების ფონზე ასევე დნეპროპეტროვსკის საოლქო ადმინისტრაციის ხელმძღვანელი სერგეი ლისაკი იტყობინება, რომ თავდასხმის შედეგად დაიღუპა 51 წლის კაცი. კიდეც 6 ადამიანი დაშავდა, მათგან ერთი საავადმყოფოში რჩება. ლისაკი დაუკონკრეტებლად წერს დაზიანებულ შენობებზეც. 6 აგვისტოს, უკრაინული არმიის კურსკის ოლქში შეჭრის შემდეგ გაიზარდა უკრაინის ტერიტორიების დაბომბვის მასშტაბი. ...