რუსეთის პრეზიდენტმა ვლადიმირ პუტინმა ბრიკსის სამიტზე მიიწვია მონღოლეთის პრეზიდენტი უხნაგინ ხურელსუხი, სამიტი ოქტომბერში ყაზანში გაიმართება. „ეს პირელი მსგავსი დონის ღონისძიება იქნება ამ ორგანიზაციის გაფართოების შემდეგ. იმედი მაქვს მონაწილებას მიიღებთ ბრიკსის ფორმატში. გელით“, - თქვა პუტინმა ულან-ბატორში მოლაპარაკებების დაწყების წინ. BRICS-ი 2006 წელს შეიქმნა. თავდაპირველად მასში შედიოდნენ ბრაზილია, რუსეთი, ინდოეთი, ჩინეთი და სამხრეთი აფრიკა. 2024 წლის იანვარში ორგანიზაციას შეუერთდნენ ეგვიპტე, ირანი, საუდის არაბეთი, არაბეთის გაერთიანებული საამიროები და ეთიოპია. ივლისის ბოლოს ორგანიზაციაში გაწევრიანების განაცხადი წარადგინა მალაიზიამ. BRICS-ში გაწევრიანების სურვილი გამოხატა აზერბაიჯანის მთავარმა სტრატეგიულმა პარტნიორმა და მოკავშირემ - თურქეთმა. მონღოლ კოლეგას პუტინმა ორ ქვეყანას შორის ეკონომიკურ სფეროში თანამშრომლობის საკითხის განხილვა შესთავაზა. პუტინი მონღოლეთში იმყოფება ოფიციალური ვიზიტით, ის ამ ქვეყნის პრეზიდენტმა 2023 წლის ოქტომბერში პეკინში მიმდინარე მოლაპარაკებების დროს დაპატიჟა, პუტინი მონღოლეთში ბოლოს 2019 წელს იმყოფებოდა. ასევე ნახეთ კრემლი არ ღელავს, რომ მონღოლეთში ვიზიტისას პუტინი შესაძლოა დააკავონ მონღოლეთში პუტინის ვიზიტი მისი პირველი ვიზიტია რომის სტატუტის ხელმომწერ ქვეყანაში. 2023 წლის მარტის შემდეგ. სისხლის სამართლის საერთაშორისო სასამართლოს პუტინის დაკავების ორდერი აქვს გაცემული უკრაინაში შეჭრისა და ომის სავარაუდო დანაშაულებში მისი ბრალეულობის გამო. მონღოლეთში პუტინის ვიზიტს უკრაინას საგარეო საქმეთა სამინისტროს პრესსპიკერი გეორგი ტიხი სოციალურ ქსელ X-ში გამოეხმაურა და დაწერა, რომ პუტინის ქვეყანაში შეშვების გადაწყვეტილებით მონღოლეთმა გაიზიარა მის მიერ ჩადენილ ომის დანაშაულებზე პასუხისმგებლობა. ასევე ნახეთ უფლებადამცველები მონღოლეთს პუტინის დაპატიმრებისკენ მოუწოდებენ "მძიმე დარტყმაა სისხლის სამართლის საერთაშორისო სასამართლოსთვის და სისხლის სამართლის საერთაშორისო სისტემისთვის", -ტიხის განცხადებით საერთაშორისო პარტნიორებთან იმუშავებენ იმაზე, რომ ულან-ბატორის ამ ნაბიჯს შესაბამისი რეაგირება მოჰყვეს. უკრაინამ მონღოლეთს გასულ კვირაში მოუწოდა პუტინი დააპატიმროს სისხლის სამართლის საერთაშორისო სასამართლოს (ICC) ორდერის საფუძველზე. რუსეთის პრეზიდენტს ბრალად სდებენ ასობით უკრაინელი ბავშვის უკანონოდ გაყვანაში ტერიტორიებზე, რომლებსაც კიევი არ აკონტროლებს. ულან-ბატორს პუტინის დაპატიმრებისკენ მოუწოდა საერთაშორისო უფლებადამცველმა ორგანიზაციამ, Human Rights Watch-მაც. დაპატიმრების ორდერი სასამართლოს 124 წევრ ქვეყანას - მათ შორის მონღოლეთს - ავალდებულებს პუტინის დაპატიმრებას და მის გადაცემას ჰააგისთვის, თუკი ის...