საერთაშორისო უფლებადამცველი ორგანიზაცია, Amnesty International-ი გმობს აზერბაიჯანში მთავრობის კრიტიკოსების დაკავების და დევნის წინასაარჩევნო, "საგანგაშო" ტალღას, და გამოდის მოწოდებით დაუყოვნებლივ გათავისუფლდეს პოლიტიკის ანალიტიკოსი, ბაჰრუზ სამადოვი, რომელსაც სახელმწიფოს ღალატში ედება ბრალი, სხვა კრიტიკოსებთან ერთად. ორგანიზაცია 2 სექტემბერს აცხადებდა, რომ დევნა წინ უსწრებდა აზერბაიჯანში წინა დღეს ჩატარებულ საპარლამენტო არჩევნებს - იმ ფონზე, როცა დიდი ხნის მეტოქესთან, სომხეთთან, სამშვიდობო მოლაპარაკება მიმდინარეობს და ბაქო ემზადება კლიმატის საკითხებზე გაეროს მნიშვნელოვანი კონფერენციის მასპინძლობისთვის ნოემბერში. "ჟურნალისტების და აქტივისტების მიზანში ამოღება სხვა არაფერია, თუ არა წინააღმდეგობის გაჩუმება და გამოხატვის თავისუფლების შეზღუდვა - განსაკუთრებით მათი, ვინც მხარს უჭერს სომხეთთან მშვიდობის დამყარებას" - ამბობს ნატალია ნოზაძე, Amnesty International-ის მკვლევარი სამხრეთ კავკასიის საკითხებში. "არ შეიძლება უგულებელყოფილი იყოს ახალი დაპატიმრებები და დაკავებები, რომელთა სამიზნეც მთავრობის კრიტიკოსებია" - ამბობს ნოზაძე და საერთაშორისო თანამეგობრობას მოუწოდებს ეს მოვლენები "დაგმოს ყველაზე მკაცრი ფორმით". ასევე ნახეთ ბაჰრუზ სამადოვი: ვინ არის აქტივისტი, რომელიც ბაქოში „ღალატის“ ბრალდებით დააკავეს ...