ინფორმაციას უკრაინის საგარეო საქმეთა მინისტის დმიტრო კულებას თანამდებობიდან გადადგომის შესახებ უკრაინის პარლამენტის თავმჯდომარე რუსლან სტეფანჩუკი ავრცელებს, მისი სიტყვებით, პარლამენტში შესულია კულებას განცხადება გადადგომის შესახებ. მან დოკუმენტის ფოტოც გამოაქვეყნა და თქვა, რომ საკითხს უახლოეს პლენარულ სხდომაზე განიხილავენ. три კულება უკრაინის საგარეო საქმეთა მინისტრი იყო 2020 წლიდან. გადადგომის შესახებ გადაწყვეტილებაზე მას ჯერ კომენტარი არ გაუკეთებია. 3 სექტემბერს უკრაინის ორი ვიცე-პრემიერი გადადგა მას შემდეგ, რაც კიდევ სამმა მინისტრმა დატოვა თანამდებობა. უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინის მთავრობაში მეტი ცვლილებები მოხდება. პრემიერ-მინისტრის ორი მოადგილე, რომლებიც გადადგნენ, არიან ვიცე-პრემიერი ევროპულ და ევროატლანტიკურ სტრუქტურებში ინტეგრაციის საკითხებში ოლჰა სტეფანიშინა და ვიცე-პრემიერი დროებით ოკუპირებული ტერიტორიების რეინტეგრაციის საკითხებში ირინა ვერეშჩუკი. პარლამენტის სპიკერმა რუსლან სტეფანჩუკმა განაცხადა, რომ ვერხოვნა რადამ (პარლამენტმა) მიიღო ცალკე განცხადებები სტეფანიშინასგან და ვერეშჩუკისგან გადადგომის შესახებ. მათი გადადგომა მოჰყვა სტრატეგიული მრეწველობის მინისტრის ოლექსანდრ კამიშინის, ასევე იუსტიციის მინისტრის დენის მალიუსკასა და გარემოს დაცვის მინისტრის რუსლან სტრილეტსის გადაგომას. კამიშინმა, რომელიც მეთვალყურეობს იარაღის შიდა წარმოებას, თქვა, რომ გააგრძელებს მუშაობას თავდაცვის სექტორში, მაგრამ სხვა ფუნქციით. ასევე ნახეთ რამდენიმე მინისტრი გადადგა უკრაინაში, ზელენსკიმ განაცხადა, რომ მეტი ცვლილებია მოსალოდნელი ზელენსკიმ 3 სექტემბერს, საღამოს გამოსვლაში აღნიშნა, რომ სახელმწიფო ინსტიტუტები უნდა იყოს შეწყობილი ერთმანეთთან, რომ უკრაინამ შეძლოს საუკეთესო შედეგების მიღწევა. ...