რუმინეთის პარლამენტის ქვედა პალატამ 3 სექტემბერს დაამტკიცა კანონპროექტი, რომელიც გზას უხსნის უკრაინისთვის Patriot-ის ტიპის ანტისარაკეტო სისტემის გადაცემას. რუმინეთს, რომელიც 2004 წლიდანაა ნატოს წევრი, უკრაინასთან 650-კილომეტრიანი საზღვარი აქვს. რუსეთის დრონების ნამსხვრევები ხშირად ცვივა რუმინეთის ტერიტორიაზე, მოსკოვის მხრიდან უკრაინის პორტებზე განხორციელებული თავდასხმების შედეგად. როცა პრეზიდენტი კლაუს იოჰანისი კანონპროექტს ხელს მოაწერს და კანონად აქცევს, მთავრობა გასცემს დონაციის ორდერს. ბუქარესტმა ივნისში გამოაცხადა, რომ თავისი ორი მოქმედი Patriot-ის სისტემიდან ერთს უკრაინას გადასცემდა, იმ პირობით, რომ მოკავშირეები მას ჩაანაცვლებდნენ საჰაერო დაცვის მსგავსი სისტემით. ასევე ნახეთ ზელენსკი: უკრაინას ესაჭიროება Patriot-ის ტიპის 25 სისტემა ...