უკრაინის პრეზიდენტმა, ვოლოდიმირ ზელენსკიმ 3 სექტემბერს განაცხადა, რომ კანადის პრემიერ-მინისტრს, ჯასტინ ტრუდოს სთხოვა დახმარება დასავლელ პარტნიორებთან, რათა მათ უკრაინას ნებართვა მისცენ რუსეთის სიღრმეში განახორციელოს დარტყმები. ზელენსკიმ ამ შინაარსის ცნობა გაავრცელა პლატფორმაზე X, ტრუდოსთან სატელეფონო საუბრის შემდეგ. ტრუდოს ოფისის განცხადებით, რუსეთის მხრიდან თავდასხმები "კიდევ უფრო მეტად აძლიერებს გლობალურ ერთიანობას და შემართებას უკრაინის მხარდასაჭერად, მომავალ საერთაშორისო ღონისძიებებში". ზელენსკის თქმით, ის ტრუდოს ასევე ესაუბრა პატიმრების შესახებ კონფერენციაზე, რომელსაც კანადამ უნდა უმასპინძლოს. ტრუდოს ოფისის განცხადებით, კონფერენცია საგარეო საქმეთა მინისტრების დონეზე გაიმართება. ასევე ნახეთ უკრაინამ აშშ-ს რუსეთის ფედერაციის ტერიტორიაზე შესაძლო სამიზნეების სია გადასცა ...