ისრაელში, თელ-ავივში 3 სექტემბერს გაგრძელდა მასობრივი საპროტესტო აქციები, ასობით მოქალაქე მთავრობას მოუწოდებს მიაღწიოს ცეცხლის შეწყვეტის შეთანხმებას, რომლითაც შინ დაბრუნდებიან ღაზაში დარჩენილი მძევლები. აქციები მოჰყვა ისრაელის არმიის განცხადებას, რომ გამტაცებლებმა ღაზაში ექვსი მძევალი დახოცეს მაშინ, როცა სამხედროები მათი დაკავების ადგილს უახლოვდებოდნენ. ისრაელის ბევრი მოქალაქე პრემიერ-მინისტრ ბენიამინ ნეთანიაჰუს ადანაშაულებს მძევლებს შორის მსხვერპლის რიცხვის ზრდაში. პარალელურად, აშშ აცხადებს, რომ ეგვიპტელ და კატარელ შუამავლებთან ერთად მუშაობს ცეცხლის შეწყვეტის და მძევლების დაბრუნების შეთანხმების ახალ ვარიანტზე. 4 სექტემბერს გაეროს უშიშროების საბჭო გეგმავს სხდომას, ღაზაში ომის განხილვის მიზნით. ასევე ნახეთ ბაიდენი: ნეთანიაჰუ საკმარისს არ აკეთებს მძევლების გასათავისუფლებელი შეთანხმების მისაღწევად ...