უკრაინის პრეზიდენტი ვოლოდიმირ ზელენსკი 6 სექტემბერს მიიღებს მონაწილეობას ე.წ. რამშტაინის ჯგუფის შეხვედრაში, რომლის მონაწილეები, უკრაინის დასავლელი მოკავშირეები უკრაინას იარაღს აწვდიან - იტყობინება გერმანული ჟურნალი Spiegel-ი. მოსალოდნელია, რომ ზელენსკი მოითხოვს მეტი იარაღის მიწოდებას, განსაკუთრებით შორი მოქმედების რაკეტებს და საჰაერო თავდაცვის მეტ საშუალებებს. თავდაცვის მინისტრების შეკრება გერმანიაში - რამშტაინში - აშშ-ს საჰაერო ბაზაზე იმართება. 2022 წელს რუსეთის მიერ უკრაინაში შეჭრის შემდეგ აშშ-ის ინიციატივით რამშტაინში შეიკრიბა თანამოაზრე ქვეყნები. 50-მდე ქვეყნის წარმომადგენლები რეგულარულად ხვდებიან ერთმანეთს, რათა კოორდინაცია გაუკეთონ უკრაინისთვის იარაღი მიწოდებას. ასევე ნახეთ აშშ-ის თავდაცვის მინისტრი მოუწოდებს მოკავშირეებს, მეტად დაეხმარონ უკრაინას საჰაერო თავდაცვაში ...