რუსეთის შინაგან საქმეთა სამინისტრომ 5 სექტემბერს დაუკონკრეტებელი ბრალდების საფუძველზე ძებნილ პირთა სიაში შეიყვანა უცხოეთში მცხოვრები სამხედრო ანალიტიკოსი, იან მატვეევი. 2023 წლის მაისში მატვეევი მოხვდა იუსტიციის სამინისტროს "უცხოეთის აგენტების" სიაში, რის შემდეგაც იგი უარს აცხადებდა დაეცვა კანონით განსაზღვრული წესები და თავისი მასალები აღენიშნა წარწერით, რომ ისინი "უცხოეთის აგენტმა" მოამზადა. რუსეთის სასამართლოებმა მატვეევი ორჯერ დააჯარიმეს დაუსწრებლად, ამ წესების უგულებელყოფის გამო. "უცხოეთის აგენტების" კანონის თანახმად, ამ კანონის ერთი წლის განმავლობაში რამდენჯერმე დარღვევამ შესაძლოა სისხლის სამართლის საქმის აღძვრა განაპირობოს. რუსეთის ხელისუფლებას ადანაშაულებენ "უცხოეთის აგენტების" კანონის გამოყენებაში დამოუკიდებელი მედიისა და კრიტიკული ხმების ჩასახშობად. ასევე ნახეთ რუსეთის იუსტიციის სამინისტრო: უცხოური აგენტების რეესტრიდან უკვე 209 პირია ამოღებული ...