საფრანგეთის ქალაქებში ათასობით ადამიანი გავიდა ქუჩაში, რათა პროტესტი გამოეთქვათ კონსერვატორი პოლიტიკოსის, მიშელ ბარნიეს, პრემიერ-მინისტრად არჩევის გამო. პარიზში საპროტესტო აქცია გაიმართა ბასტილიის მოედანზე. მსგავსი გამოსვლები მოეწყო ნანტში, ნიცაში და მარსელში. ხელისუფლების თანახმად, მთელ ქვეყანაში დემონსტრაციებში ათიათასობით ადამიანი მონაწილეობდა. საფრანგეთის მემარცხენე პარტიები პრეზიდენტ ემანუელ მაკრონს ბრალად სდებენ, რომ ევროკავშირის ყოფილი კომისრის პრემიერად არჩევით, მან უგულებელყო დაახლოებით ორი თვის წინანდელი არჩევნების შედეგები. არჩევნების შედეგად, ბარნიეს მემარჯვენე ცენტრისტული პარტია (Les Republicains) თავისი 50-ზე ნაკლები დეპუტატით პარლამენტში მხოლოდ მეხუთე ფრაქციას წარმოადგენს. უძლიერესი გაერთიანებაა მემარცხენე “ახალი სახალხო ფრონტი”. მაგრამ მაკრონმა უარი თქვა მათთვის მთავრობის შექმნა დაევალებინა, რადგან სხვა პარტიებს არ სურთ მემარცხენე გაერთიანებასთან თანამშრომლობა. ასევე ნახეთ „შვებით ამოვისუნთქეთ, მაგრამ პრობლემა არსად წასულა“ - რა მოხდება ახლა საფრანგეთში? ...