„ძლიერი საქართველოს" წარმომადგენლები საარჩევნო კამპანიის ფარგლებში შიდა ქართლის მოსახლეობას შეხვდნენ. პოლიტიკური გაერთიანების წევრის, გრიგოლ გეგელიას თქმით, ქარელში ყოფნის დროს თავს დაესხნენ მათ წარმომადგენელს. „დაგვესხნენ თავს, ჯერ სიტყვიერი შეურაცხყოფით, მერე ეს გადაიზარდა ფიზიკურ შეხლა-შემოხლაში. როცა ერთი ადამიანი, ერთი დამნაშავე, რომელიც ახლა მარკეტშია მიმალული და იმის შნოც არ აქვს, რომ გამოჩნდეს და სახე გვაჩვენოს, მარკეტში არის ჩამალული პოლიციის ერთ-ერთ ოფიცერთან ერთად, ეს პირი დაგვესხა თავს. ჯერ სიტყვიერი შეურაცხყოფა მოგვაყენა, შემდეგ ჩემს მეგობარს, აქტივისტს ფიზიკურად დაუპირისპირდა, დაზიანებულია მისი სამოსი", - უთხრა „ფორმულას“ გრიგოლ გეგელიამ. „ძლიერი საქართველოს“ წარმომადგენლები აცხადებენ, რომ მათთვის ცნობილია თავდამსხმელის ვინაობა. რადიო თავისუფლებას შინაგან საქმეთა სამინისტროს პრესცენტრში უთხრეს, რომ ფაქტზე გამოძიება დაიწყო სისხლის სამართლის კოდექსის 126-ე მუხლით (ძალადობა) და მიმდინარეობს საგამოძიებო მოქმედებები. ...