ირანის პარლამენტის საგარეო პოლიტიკისა და ეროვნული უსაფრთხოების კომიტეტის წევრმა, აჰმად ბაჰშაეშ არდესთანიმ აღიარა, რომ რუსეთს მიაწოდეს ირანული ბალისტიკური რაკეტები, რომლებიც მას უკრაინის დასაბომბად სჭირდება. ამის შესახებ მან ირანულ გაზეთ Didban Iran-თან ინტერვიუში განაცხადა. არდესთანიმ კომენტარი გააკეთა დასავლური მედიის განცხადებებზე რუსეთისთვის ბალისტიკური რაკეტების გაგზავნის შესახებ და განაცხადა, რომ თეირანი იძულებულია აწარმოოს ბარტერული გაცვლები რუსეთთან "ჩვენი მოთხოვნების დასაკმაყოფილებლად, კერძოდ, სოიასა და ხორბლის იმპორტის შემთხვევაში". "ბარტერის ნაწილი ითვალისწინებს რაკეტების გაგზავნას, მეორე ნაწილი კი - სამხედრო უპილოტო საფრენი აპარატების გაგზავნას რუსეთში", - დასძინა მან. შეკითხვაზე, შესაძლოა თუ არა, რომ ბალისტიკური რაკეტების რუსეთში გაგზავნამ შემდგომი სანქციები გამოიწვიოს ირანის წინააღმდეგ, ირანელმა კანონმდებელმა უპასუხა: ახლანდელზე უარესი ვეღარ იქნება. ჩვენ ვაძლევთ რაკეტებს ჰეზბოლას, ჰამასს (აშშ-ში და ევროკავშირში ტერორისტულად შერაცხილი) და ჰაშდ-აშ-შააბის (შიიტური შენაერთი ერაყში), და რუსეთს რატომ არ უნდა მივცეთ?" ჩვენ ვყიდით იარაღს და ვიღებთ დოლარს. რუსეთთან ჩვენი პარტნიორობით სანქციებს ვირიდებთ. რუსეთიდან შემოგვაქვს სოია, სიმინდი და სხვა საქონელი. ევროპელები უკრაინას იარაღს აწვდიან. ნატო უკრაინაში შევიდა, და ჩვენ რატომ არ დავუჭიროთ მხარი ჩვენს მოკავშირეს რუსეთში რაკეტების და უპილოტო თვითმფრინავების გაგზავნით?“ მიუხედავად ამ აღიარებისა, ირანის საგარეო საქმეთა სამინისტროს წარმომადგენელმა, ნასერ ქანაანმა კვირას IRNA-სთვის მიცემულ კომენტარში კიდევ ერთხელ უარყო ინფორმაცია რუსეთში ბალისტიკური რაკეტების გაგზავნის შესახებ. მან ასევე გაიმეორა, რომ თეირანი „არასდროს ყოფილა კონფლიქტის ნაწილი“, ეწინააღმდეგება ომს და „მხარს უჭერს პოლიტიკურ გადაწყვეტას რუსეთსა და უკრაინას შორის უთანხმოების მოსაგვარებლად კონფლიქტის დასრულების მიზნით". 8 სექტემბერს გავრცელდა მედიის ინფორმაცია, რომ აშშ-მა თავის მოკავშირეებს აცნობა, ირანის მიერ, ვაშინგტონის თქმით, რუსეთისთვის მცირე რადიუსის ბალისტიკური რაკეტების მიწოდების შესახებ, და რომ ისინი უკრაინაში მოსახმარად იყო განსაზღვრული. ამის შესახებ 8 სექტემბერს წერდა Associated Press-ი ორ წყაროზე დაყრდნობით, რომლებიც იცნობენ ვითარებას. სააგენტოსთან მოსაუბრეებს, რომელთაც ანონიმურობის შენარჩუნება მოითხოვეს, არ დაუზუსტებიათ, რამდენი ერთეული იქნა მიწოდებული, ან როდის შეიძლებოდა მომხდარიყო მათი გადაცემა. თეთრმა სახლმა უარი თქვა ინფორმაციის დადასტურებაზე, თუმცა კვლავ გამოთქვა შეშფოთება იმის თაობაზე, რომ ირანი აძლიერებს თავის მხარდაჭერას მოსკოვისადმი. აშშ-ის ადმინისტრაცია უკვე რამდენიმე თვეა აფრთხილებს ირანს...