პოლონეთის უსაფრთხოების სამსახურებმა გააუვნებელყვეს საბოტაჟის ოპერაცია, რომელიც პოლონეთის დესტაბილიზაციას ისახავდა მიზნად და რომლის ორგანიზატორებიც რუსეთი და ბელარუსი იყვნენ - აცხადებს ვიცე-პრემიერი, კშიშტოფ გაუკოვსკი 9 სექტემბერს. ვარშავა მოსკოვს სისტემატიურად სდებს ბრალს პოლონეთის დესტაბილიზაციის მცდელობებში, იმ როლის გამო, რომელსაც პოლონეთი ასრულებს მეზობელი უკრაინისთვის სამხედრო დახმარების მიწოდების პროცესში. რუსეთი ამგვარ ბრალდებებს უარყოფს. გაუკოვსკის თქმით, საბოტაჟის ჯგუფის წევრებმა, რომლებიც ბელარუსიდან მუშაობდნენ, რუსეთთან თანამშრომლობით, შეაღწიეს ადგილობრივი და ცენტრალური ხელისუფლების ინსტიტუციებში, მათ შორის სახელმწიფო კომპანიებში, რომლებიც სამხედრო კონტრაქტებზე მუშაობენ. "ბელარუსის და რუსეთის უცხოეთის სამსახურებს... კონკრეტული მიზანი ჰქონდათ - ინფორმაციის მოპოვება, პირების და ინსტიტუციების შანტაჟის ქვეშ მოქცევა და დე-ფაქტო კიბერომის წარმოება" - თქვა გაუკოვსკიმ, რომელიც, ამავდროულად, არის ციფრული საქმეების მინისტრი. გაუკოვსკის თქმით, კიბერშეტევები გაორმაგდა გასული წლის შემდეგ. ასევე ნახეთ ბულგარეთში დააკავეს ფართომასშტაბიან ჰაკერულ თავდასხმაში ეჭვმიტანილი პირი ...