სომხეთის პრემიერ-მინისტრმა ნიკოლ ფაშინიანმა განაცხადა, რომ იწყება სომხეთსა და ევროკავშირს შორის მოლაპარაკებები სავიზო რეჟიმის გადახედვის შესახებ. "მოხარული ვარ, რომ ჩვენს ურთიერთობებში შესამჩნევი ცვლილებებია: იწყება მოლაპარაკებები ვიზალიბერალიზაციასთან დაკავშირებით, ევროპის მშვიდობის ფონდის მხრიდან მიღებულია გადაწყვეტილება, მხარი დაუჭირონ სომხეთის რესპუბლიკას, რასაც ჩვენ ძალიან ვაფასებთ", - განაცხადა ფაშინიანმა, ევროკომისიის ვიცე-პრეზიდენტ მარგარიტის სხინასთან შეხვედრის დროს. სომხეთის პრემიერ-მინისტრმა ხაზი გაუსვა იმას, რომ ქვეყნის შიგნით "გრძელდება" დისკუსიები სომხეთის ევროკავშირში გაწევრიანების შესაძლებლობის შესახებ. "აუცილებელია ამ თემას დეტალურად და სრულყოფილად მივუდგეთ. აქ მნიშვნელოვანი იქნება ევროკავშირში ჩვენი პარტნიორების დაკვირვებებისა და რჩევების მოსმენა", - დასძინა ფაშინიანმა. ივლისში ევროკავშირის საბჭოს პრესსამსახურმა უვიზო მიმოსვლის საკითხზე სომხეთთან მოლაპარაკებების ოფიციალური დაწყების შესახებ განაცხადა. წევრი სახელმწიფოების გადაწყვეტილება დაამტკიცონ სომხეთთან “ვიზალიბერალიზაციის შესახებ" დიალოგის დაწყება ხდება სომხეთის მთავრობის დასავლეთთან დაახლოებისა და რუსეთთან ურთიერთობის მზარდი დაძაბულობის ფონზე. თუმცა, ამ დროისთვის ევროპის ქვეყნებში ვიზის მიღება სომხეთის მოქალაქეებისთვის რთულ ამოცანად რჩება. უზარმაზარი რიგებია ერევანში მდებარე სავიზო ცენტრებში, სადაც საბერძნეთის, ავსტრიის, ლიეტუვისა და ხორვატიის ვიზები გაიცემა. მიუხედავად იმისა, რომ ასეთი აჟიოტაჟი ყოველდღე არ შეინიშნება, ზოგჯერ ადამიანები თვეების განმავლობაში ელოდებიან სამოგზაურო დოკუმენტებს. ასევე ნახეთ სომხეთი რუსეთში „ბრიკსის“ სამიტზე დასწრებას გეგმავს ასევე ნახეთ რუსეთთან დაშორება, დასავლეთთან დაახლოება და საპროტესტო აქციები სომხეთში ...