ამერიკის შეერთებული შტატების პრეზიდენტობის კანდიდატების, დემოკრატი კამალა ჰარისის და რესპუბლიკელი დონალდ ტრამპის პირველი ტელედებატების გამარჯვებულად ჰარისი დაასახელეს ამომრჩევლებმა, რომლებიც ტელეკომპანია CNN-ის და კვლევითი კომპანია SSRS-ის მიერ ჩატარებულ გამოკითხვაში მონაწილეობდნენ. დებატების მაყურებელი რესპონდენტების 63%-ის აზრით, ჰარისმა გაიმარჯვა, 37%-ის აზრით - ტრამპმა. ცდომილება +/- 5,3%-ია. დებატების დაწყებამდე რესპონდენტების 50% მიიჩნევდა, რომ წარმატებას კამალა ჰარისი მიაღწევდა და ამდენივე გამარჯვებას დონალდ ტრამპს უწინასწარმეტყველებდა. 2024 წლის ივნისში, როცა შეერთებული შტატების მოქმედ პრეზიდენტ ჯო ბაიდენს ჯერ კიდევ არ ჰქონდა მიღებული გადაწყვეტილება, რომ მეორე ვადით კენჭს აღარ იყრის, დონალდ ტრამპთან მისი დებატების შემდეგ გამოკითხულთა 67%-მა გამარჯვებულად ტრამპი დაასახელა, 33%-მა კი - ბაიდენი. ასევე ნახეთ ჰარისმა და ტრამპმა მწვავედ იკამათეს - პირველი დებატები დასრულებულია ამერიკის შეერთებული შტატების პრეზიდენტობის კანდიდატების, კამალა ჰარისის და დონალდ ტრამპის პირველი დებატები, რომელიც ტელეკომპანია ABC News-ის მიერ იყო ორგანიზებული, ფილადელფიაში, ადგილობრივი დროით 10 სექტემბრის საღამოს ცხრა საათიდან მიმდინარეობდა. ჰარისმა და ტრამპმა მწვავედ იკამათეს საშინაო და საგარეო პოლიტიკის საკითხებზე და ერთმანეთი არაერთხელ დაადანაშაულეს სიცრუეში. ასევე ნახეთ დემოკრატებმა კამალა ჰარისი ოფიციალურად წარადგინეს პრეზიდენტობის კანდიდატად 59 წლის კამალა ჰარისი აშშ-ის ისტორიაში პირველი ქალი ვიცე-პრეზიდენტია, ისევე როგორც პირველი შავკანიანი და აზიური წარმოშობის ვიცე-პრეზიდენტი. მანამდე ჰარისი კალიფორნიის შტატის პირველი ქალი გენერალური პროკურორი იყო. კამალა ჰარისი პრეზიდენტობისთვის ბრძოლაში ჩაერთო მას შემდეგ, რაც 21 ივლისს შეერთებული შტატების მოქმედმა პრეზიდენტმა ჯო ბაიდენმა გამოაცხადა, რომ დემოკრატიული პარტიის და ქვეყნის ინტერესების გამო საარჩევნო მარათონს ეთიშება, პრეზიდენტად კენჭს აღარ იყრის და მხარს კამალა ჰარისის კანდიდატურას უჭერს. არჩევნებში გამარჯვების შემთხვევაში კამალა ჰარისი აშშ-ის პირველი ქალი პრეზიდენტი გახდება. ასევე ნახეთ დონალდ ტრამპი ოფიციალურად გახდა რესპუბლიკელების პრეზიდენტობის კანდიდატი რესპუბლიკური პარტიის კანდიდატი, 78 წლის მილიარდერი ბიზნესმენი დონალდ ტრამპი აშშ-ის პრეზიდენტი იყო 2017 წლის 20 იანვრიდან 2021 წლის 20 იანვრამდე. 2020 წლის ნოემბრის არჩევნებში მეორე ვადით კენჭისყრისას ტრამპი დამარცხდა დემოკრატ ჯო ბაიდენთან, თუმცა მარცხს არ აღიარებდა და აცხადებდა, რომ არჩევნები გაყალბდა. 2021 წლის 6 იანვარს, ჯო ბაიდენის ინაუგურაციამდე დაახლოებით ორი კვირით ადრე, დონალდ ტრამპის მხარდამჭერები კაპიტ...