ნიჟნი ნოვგოროდის სასამართლომ 13 დღით ადმინისტრაციული პატიმრობა შეუფარდა სტენდაპ-კომიკოსს დმიტრი გავრილოვს, YouTube-ზე გავრცელებულ მის ჩანაწერში "აღმოჩენილი" სიძულვილის გაღვივების ბრალდებით. გადაწყვეტილება ნიჟნი ნოვგოროდის სასამართლომ ორშაბათს მიიღო. გავრილოვის დაკავების საფუძველი გახდა ვიდეო რგოლი, რომელშიც სამართალდამცველებმა „ეროვნების, ენის, წარმომავლობისა და სოციალური კუთვნილების ნიშნით ადამიანის ღირსების შემლახავი“ ნიშნები ამოიკითხეს. სასამართლოს ვებ-საიტზეა მითითებულია, რომ საქმის აღძვრის საფუძვლად ქცეული ვიდეო „აღმოჩენილია“ 2023 წლის 20 იანვარს. სავარაუდოდ, საუბარია ამ დღეს გამოქვეყნებულ ვიდეოზე, რომელიც ასახავს დმიტრი გავრილოვის გამოსვლას თბილისში - ღონისძიებაზე, ის ხუმრობდა რუსებზე, მშობლიური ქვეყნის დატოვებაზე გამოცხადებული მობილიზაციის გამო და მისი თანამოქალაქეების მიმართ დამოკიდებულებაზე საქართველოში, წერს მედიაპორტალი „მედიაზონა“ ტელეგრამ-არხმა „Оперативные сводки“ გამოაქვეყნა გავრილოვის მიერ, სავარაუდოდ, პოლიციის განყოფილებას გადაღებული ვიდეო, რომელშიც ის ბოდიშს იხდის „რუსეთის მოქალაქეების მიმართ შეურაცხმყოფელი გამონათქვამებისა და რუსი სამხედროების დისკრედიტაციისთვის“. კომიკოსი 8 ოქტომბერს ნიჟნი ნოვგოროდში DKRT-ს საკონცერტო დარბაზში გამოსვლას გეგმავდა თუმცა, ღონისძიება მისი დაკავების გამო გადაიდო, წერს „მედიაზონა“. გავრილოვის ვებ-გვერდზე ნათქვამია, რომ ის უნდა გამოსულიყო სამარასი, ულიანოვსკში, სარატოვში, ვოლგოგრადში, კრასნოდარში, დონის როსტოვში, პერმში, ეკატერინბურგში, ჩელიაბინსკსა და უფაში. დმიტრი გავრილოვი მონაწილებს შოუში StandUp ТНТ-ზე და სხვა სატელევიზიო შოუებში. რუსეთში 2022 წლის სექტემბერში გამოცხადებული მობილიზაციის შემდეგ გავრილოვმა ქვეყანა დატოვა და საქართველოში წავიდა. ...