აშშ-მა 10 სექტემბერს ირანს ახალი სანქციები დაუწესა, თეირანის მხრიდან რუსეთის სამხედრო მხარდაჭერისთვის - მათ შორის იმ ცნობებისთვის, რომ ახლახან თეირანმა რუსეთს გადასცა ბალისტიკური რაკეტები, მოსკოვის მიერ უკრაინაში წარმოებულ ომში გამოსაყენებლად. აშშ-ის ფინანსთა სამინისტრომ ირანსა და რუსეთში დაფუძნებული 10 ინდივიდი და ექვსი უწყება გამოყო სანქციების სამიზნედ, ასევე დაბლოკილად გამოაცხადა ოთხი ხომალდი, რომლებსაც, სამინისტროს თქმით, იყენებენ ირანის მხრიდან რუსეთისთვის იარაღის და იარაღის ნაწილების მისაწოდებლად. იარაღი, რომელიც, აშშ-ის განცხადებით, რუსეთს მიეწოდება, მოიცავს დრონებს და მოკლე რადიუსის ბალისტიკურ რაკეტებს. სანქციების გამოცხადებამდე აშშ-მა და მისმა მთავარმა ევროპელმა მოკავშირეებმა ირანს ბრალი დასდეს რუსეთისთვის მოკლე რადიუსის რაკეტების მიწოდებით ვითარების სახიფათო ესკალაციაში და ზიანის მომტანი ნაბიჯების გადადგმაში, რომლებიც ევროპის უსაფრთხოებას უქმნის სირთულეებს. ასევე ნახეთ ბლინკენი: რუსეთმა ირანისგან მიიღო რაკეტები - მას სანქციები უწესდება ...