აშშ-ის სახელმწიფო მდივანი, ენტონი ბლინკენი და ბრიტანეთის საგარეო საქმეთა მინისტრი, დევიდ ლემი 11 სექტემბერს კიევში ჩავიდნენ უკრაინის მაღალჩინოსნებთან შეხვედრის მიზნით, უკრაინის მხარდაჭერის ნიშნად რუსეთის აგრესიის წინააღმდეგ. ბლინკენი და ლემი კიევში ჩავიდნენ მატარებლით პოლონეთიდან, იმ ფონზე, როცა უკრაინა თავის დასავლელ მოკავშირეებს მოუწოდებს მოხსნან შეზღუდვა გრძელი რადიუსის იარაღის გამოყენებაზე, რუსეთის სიღრმეში მდებარე სამიზნეებისთვის. "ვფიქრობ, უკრაინისთვის მნიშვნელოვანი მომენტია, ინტენსიური საშემოდგომო ბრძოლაში, რუსეთის მხრიდან მისი აგრესიის ესკალაციის ფონზე" - უთხრა ბლინკენმა ჟურნალისტებს 10 სექტემბერს, ლონდონში. უკრაინის პრეზიდენტი თვეების განმავლობაში მოუწოდებს დასავლეთის ქვეყნებს მოხსნან შეზღუდვები გრძელი რადიუსის იარაღის გამოყენებაზე - ზელენსკი სამხედრო და თავდაცვის სფეროების ლიდერებს ეუბნება, რომ რომ მათ მისი ქვეყანა არ უნდა შეზღუდონ კრემლის ძალებთან ბრძოლაში. აშშ-ის პრეზიდენტმა, ჯო ბაიდენმა 10 სექტემბერს თქვა, რომ მისი ადმინისტრაცია მუშაობს შეზღუდვების მოხსნის გზებზე, თუმცა დეტალები არ დაუკონკრეტებია. "ჩვენ ერთად ვმუშაობთ იმის უზრუნველსაყოფად, რომ უკრაინამ შეძლოს თავისი ტერიტორიის დაცვა მიმდინარე აგრესიისგან, შეძლოს სამხედრო, ეკონომიკური, დემოკრატიული თვალსაზრისით ძლიერად დადგეს თავისივე ორ ფეხზე, რომ ის დარჩეს იმ გზაზე, რომელიც ასე სურს უკრაინის ხალხს - უფრო ახლო ინტეგრაცია ევროპასთან, ტრანსატლანტიკურ ინსტიტუციებთან" - თქვა ბლინკენმა უკრაინაში გამგზავრებამდე. "უკრაინა აშკარად ამ გზაზეა. და ჩვენ ერთად გავაგრძელებთ მის დახმარებას ამ გზაზე მოძრაობაში" - დასძინა აშშ-ის სახელმწიფო მდივანმა. ასევე ნახეთ უკრაინა იუწყება, რომ ღამით ჩამოაგდო რუსეთის 20 დრონი ...