სულ მცირე 13 ადამიანი დაშავდა უკრაინის სუმის ოლქის ქალაქ კონოტოპზე უპილოტო საფრენი აპარატებით თავდასხმის შედეგად. უკრაინის ამ რეგიონში საჰაერო განგაში შუაღამის შემდეგ გამოცხადდა. სუმის ოლქის სამხედრო ადმინისტრაციის მიერ დღეს, 12 სექტემბერს დილით გამოქვეყნებული ინფორმაციით, რუსეთის საოკუპაციო ძალებმა დრონებით შეტევა მიიტანეს კონოტოპის ენერგოობიექტებზე, სახლებზე და საგანმანათლებლო და სამედიცინო დაწესებულებებზე. ქალაქის მერის, არტიომ სემენიხინის ცნობით, კონოტოპს ელექტროენერგიის მიწოდება შეუწყდა. სუმის ოლქი ესაზღვრება რუსეთის კურსკის ოლქს, სადაც უკრაინის თავდაცვის ძალებმა 2024 წლის აგვისტოდან დაიწყეს სახმელეთო ოპერაცია. ასევე ნახეთ რუსეთის ჯარები კონტრშეტევაზე გადავიდნენ კურსკის რეგიონში დრონებით თავდასხმის საფრთხის გამო საჰაერო განგაში იყო გამოცხადებული პოლტავის, დნეპროპეტროვსკის, კიროვოგრადის, ხმელნიცკის, ნიკოლაევის, ხერსონის, ხარკოვის, ჩერნიგოვის, ვინიცის და კიევის ოლქებშიც. ამოქმედებული იყო უკრაინის საჰაერო თავდაცვის სისტემა. ...