დასრულდა პენტაგონის იშვიათი მანევრი, რომ ახლო აღმოსავლეთში სამხედრო-საზღვაო ძალების ორი ავიამზიდი ჰყოლოდა უკანასკნელი რამდენიმე კვირის განმავლობაში. აშშ-ის ხელისუფლების წარმომადგენელთა თქმით, ავიამზიდი „თეოდორ რუზველტი“ შინ მიემგზავრება. აშშ-ის თავდაცის მინისტრმა ლოიდ ოსტინმა განკარგულება გასცა, რომ „თეოდორ რუზველტს“ მოკლე ვადით გაეგრძელებინა თავისი მისია და დარჩენილიყო რეგიონში, მაშინ, როცა ავიამზიდი „აბრაჰამ ლინკოლნი“ სასწრაფო წესით გაიგზავნა რეგიონში. პრეზიდენტ ჯო ბაიდენის ადმინისტრაციამ რეგიონში შეერთებული შტატების სამხედრო ყოფნა გააძლიერა, რათა დაიცვას ისრაელი ირანისა და მისი მოკავშირეების მხრიდან თავდასხმებისგან და დაიცვას რეგიონში განლაგებული საკუთარი ჯარები. ...