წითელი ჯვრის საერთაშორისო კომიტეტმა (ICRC) დაგმო თავდასხმა, რომელმაც მისი სამი თანამშრომელი იმსხვერპლა - ისინი უკრაინის დონეცკის რეგიონში ჰუმანიტარულ დახმარებას არიგებდნენ. მანამდე უკრაინის პრეზიდენტის ოფისმა გაავრცელა განცხადება, რომ რუსეთის ძალები საარტილერიო ცეცხლით დაესხნენ თავს წითელი ჯვრის მანქანებს, რის შედეგადაც დაიჭრა ორგანიზაციის კიდევ ორი თანამშრომელი. "რუსეთის კიდევ ერთი ომის დანაშაული. დღეს ოკუპანტმა ძალამ დარტყმა განახორციელა დონეცკის რეგიონში წითელი ჯვრის საერთაშორისო კომიტეტის მანქანებზე" - ამბობს უკრაინის პრეზიდენტი, ვოლოდიმირ ზელენსკი პლატფორმაზე X. "ამ ომში ყველაფერი აბსოლუტურად მკაფიოა - რუსეთი თესავს ბოროტებას, უკრაინა იცავს სიცოცხლეს" - დასძენს ის. ICRC-ის პრეზიდენტმა, მირიანა სპოლიარიჩმა 12 სექტემბრის თავდასხმა დაგმო განცხადებით, რომლითაც დადასტურდა, რომ ორგანიზაციის სამი თანამშრომელი შეეწირა დაბომბვას, ფრონტისპირა ხაზზე დახმარების გაცემის პუნქტის ადგილზე. ასევე ნახეთ ზელენსკი: წითელ ჯვარზე დარტყმის შედეგად სამი ადამიანი დაიღუპა ...