დაცული ტერიტორიების სააგენტომ გაავრცელა 2024 წლის 8 თვის განმავლობაში ყველაზე მონახულებადი ობიექტები. სააგენტოს ცნობით, ამ ხნის განმავლობაში ყველაზე მეტად გაიზარდა ინტერესი ნავენახევის მღვიმის მიმართ. ეს ადგილი შარშანდელთან შედარებით 33%-ით მეტმა ადამიანმა ნახა. ვიზიტორთა სტატისტიკის მიხედვით, ყველაზე მონახულებად 5 დაცულ ტერიტორიას შორისაა პრომეთეს მღვიმე, მარტვილის კანიონი, სათაფლია, მტირალას ეროვნული პარკი და წალკის კანიონი, რომლებსაც ჯამში 619 743 ვიზიტორი ეწვია, რაც გასული წლის ანალოგიურ პერიოდთან შედარებით 10%-ით გაზრდილი მაჩვენებელია. "საქართველოს დაცულ ტერიტორიებზე მოგზაურობა წლიდან წლამდე სულ უფრო პოპულარული ხდება. მიმდინარე წელს, კანიონები და მღვიმეები ვიზიტორთა შორის განსაკუთრებული პოპულარობით სარგებლობს, რაც გამოწვეულია ადგილზე არსებული მოწესრიგებული და უსაფრთხო ინფრასტრუქტურით“, - აღნიშნა დაცული ტერიტორიების სააგენტოს თავმჯდომარე ბესიკ კუსიდიმ. როგორც სააგენტოში აღნიშნავენ, საქართველოს დაცული ტერიტორიების მიმართ გაზრდილია საერთაშორისო ვიზიტორების ინტერესი და, შესაბამისად, მათი რაოდენობაც. აღსანიშნავია, რომ წელს პირველად, პირველ ხუთეულში მოექცა ინდოეთიც. ...