რუსი სამხედრო ბლოგერები ავრცელებენ ინფორმაციას უკრაინის არმიის ახალი შეტევის შესახებ რუსეთის კურსკის ოლქში. სავარაუდოდ, უკრაინულმა არმიამ მოახერხა საზღვრის გარღვევა რეგიონის სამხრეთ-დასავლეთით, სოფელ ვესიოლოეს მახლობლად. არაერთი წყარო, მათ შორის ომის მომხრე ბლოგერები „დვა მაიორა“, „რიბარი“ და იური პოდოლიაკა, იტყობინება, რომ ბრძოლები მიმდინარეობს თავად სოფელში, საზღვრიდან რამდენიმე კილომეტრში ან კიდევ უფრო შორს, და სოფელი შეიძლება დაკავებული იყოს უკრაინელი სამხედროების მიერ. სხვა წყაროები, მაგალითად, არხი Condotierro, ირწმუნებიან, რომ შეტევა შეჩერდა ვესიოლოეს მისადგომებთან და ბრძოლები მიმდინარეობს სოფელ ნოვი-პუტში, საზღვრიდან ორი კილომეტრის დაშორებით. ასევე ნახეთ „ჩვენ ამ ომს წავაგებთ“ - უკრაინაში რუსეთის „არქტიკული ბრიგადის“ დაღუპვის ამბავი NASA-ს თანამგზავრებმა შაბათს ნაშუადღევს ნოვი-პუტში და ვესიოლოეში ხანძარი დააფიქსირეს, აღნიშნავს სააგენტო. რუსეთის თავდაცვის სამინისტრო ამ თემაზე ოფიციალურ კომენტარს არ აკეთებს და მხოლოდ იმას აცხადებენ, რომ ამ ტერიტორიაზე რამდენიმე თავდასხმის მცდელობა მოიგერია. კიევს შესაძლო ოპერაციაზე ოფიციალური კომენტარი არ გაუკეთებია. უკრაინული პროექტი DeepState აღნიშნავს, რომ უკრაინის შეიარაღებულმა ძალებმა შეძლეს წინსვლა კურსკის რეგიონის სხვა რაიონში, კორენევის მახლობლად, და კონტროლი დააწესეს ვეტრენოსა და დუროვკაზე. ამავე დროს რუსმა სამხედროებმა გაათავისუფლეს სოფელი სნაგოსტი და იბრძვიან ლუბიმოვკისთვის, რომელიც აგვისტოში უკრაინის მიერ იყო ოკუპირებული, ნათქვამია პუბლიკაციაში. ...