რუსეთის სამხედრო ძალებმა უკრაინაზე მორიგი იერიში მიიტანეს უპილოტო საფრენი აპარატებით. უკრაინის საჰაერო ძალების მიერ დღეს, 16 სექტემბერს, დილით გამოქვეყნებული ინფორმაციით, ღამის განმავლობაში რუსეთის საოკუპაციო ძალებმა გამოიყენეს 56 დრონი, რომელთაგან 53 ჩამოაგდეს, კიდევ სამი კი „ლოკალურად დაიკარგა“ უკრაინის სხვადასხვა რეგიონში და წინასწარი მონაცემებით, მსხვერპლი და ნგრევა არ გამოუწვევია. უკრაინის საჰაერო ძალების თანახმად, დრონებით თავდასხმის მთავარი სამიზნე კიევის ოლქი იყო. კიევის ოლქის სამხედრო ადმინისტრაციის ხელმძღვანელ რუსლან კრავჩენკოს ცნობით, მოგერიებული დრონების ნამსხვრევების ჩამოცვენის შედეგად დაიჭრა ერთი ადამიანი, დაზიანებულია ხუთი კერძო სახლი. კრავჩენკოს ინფორმაციით, ოთხ რაიონში გაჩნდა ხანძარი, რომელიც უკვე ლიკვიდირებულია. ადგილობრივი ხელისუფლების მონაცემებით, სექტემბრის დასაწყისიდან კიევზე რვა საჰაერო შეტევა იყო. ასევე ნახეთ მსხვერპლი მოჰყვა ხარკოვზე რუსეთის ავიადარტყმას ...