საქართველოს პარლამენტის თავმჯდომარე შალვა პაპუაშვილი ჟურნალისტებთან საუბარში გამოეხმაურა „ქართული ოცნების“ საპატიო თავმჯდომარის, ბიძინა ივანიშვილის გამოსვლას გორში, ოსების წინაშე მობოდიშების მზადყოფნის შესახებ. შალვა პაპუაშვილი ცალ-ცალკე განიხილავს ომის დამნაშავეებსა და ოს ხალხს. „ომის დამნაშავეებს პასუხს გასცემს მართლმსაჯულება, ამას აკეთებს „ქართული ოცნება“. ის, რაც მიატოვა „ნაციონალურმა მოძრაობამ“, ჰააგის და სტრასბურგის პროცესები, ფაქტობრივად, უიმედო იყო ეს საქმეები და „ქართულმა ოცნებამ“ შემოატრიალა და მოიგო ორივე საქმე. ეს არის სწორედ იმის შედეგი, რომ ის, ვინც ჩაიდინა ომის დანაშაული 2008 წელს, უნდა იქნეს დასჯილი. სწორედ „ქართული ოცნების“ ძალისხმევით, ჰააგის სასამართლომ ცხინვალის ე.წ. შინაგან საქმეთა მინისტრზე და უკანონო იზოლატორის ხელმძღვანელზე გასცა დაკავების ორდერები. ასე რომ, ომის დამნაშავეები, მათ შორის, ვინც აწამა ანწუხელიძე, მათ მოეთხოვებათ პასუხი მართლმსაჯულების წინაშე“, - თქვა პაპუაშვილმა. პარლამენტის თავმჯდომარის შეფასებით, ბოლო რამდენიმე დღეა, ოსი ხალხი გამოაცხადეს დამნაშავეებად. მან ოპოზიციას, მედიის ნაწილსა და არასამთავრობო ორგანიზაციებს ომის პარტიის წარმომადგენლები უწოდა. „რაც შეეხება ოპოზიციას და ენჯეოებს, მათი ევროპული გზა არის გზა აფხაზებისა და ოსების გარეშე“, - დაამატა პაპუაშვილმა. პარლამენტის სპიკერის თქმით, რუსეთი არის დეოკუპაციის საკითხი, ხოლო ოსებთან ურთიერთობა შერიგების საკითხია. „მსხვერპლი ვართ ორივე, ქართველებიც და ოსებიც... ისევე როგორც ომის დამნაშავეები, რომლებიც აწამებდნენ ქართველ ჯარისკაცებს, არ წარმოადგენენ ოს ხალხს, ასევე არ წარმოადგენდა მიხეილ სააკაშვილი ქართველ ხალხს, - აღნიშნა შალვა პაპუაშვილმა და დაამატა, - ორი დღეა, ოპოზიციის მედია, ოპოზიცია და ენჯეოები ოს ხალხს ეძახიან მკვლელებს, ოს ხალხს ეძახიან ომის დამნაშავეებს - ხალხს. ამაზე უფრო მეტი შუღლის გაღვივება რა უნდა იყოს და ამას აკეთებენ ენჯეოები. აღრევით, რომ თითქოს საუბარი არის ომის დამნაშავეებზე და კიდევ ერთხელ სპეკულირებით და ამოფარებით ჩვენი გმირების სახელების უკან, ელემენტარულ ჭეშმარიტებას აყენებენ კითხვის ქვეშ. ელემენტარული ჭეშმარიტება არის ის, რომ არ არსებობს იმაზე დიდი მიზანი, ვიდრე ჩვენი ტერიტორიული მთლიანობის აღდგენა; მეორე, ტერიტორიული მთლიანობის აღდგენა მოხდება მხოლოდ მშვიდობიანი გზით; მესამე, მშვიდობიანი გზა გულისხმობს შერიგებას; მეოთხე, შერიგება გულისხმობს გააზრებას იმისა, თუ რა ჭრილობები გვაქვს ჩვენ ერთმანეთისთვის მიყენებული… სადაც საჭირო იქნება, იქ სინანული, სადაც საჭირო იქნება, იქ ურთიერთშენდობა“. 14 სექტემბერს ბიძინა ივანიშვილის სიტყვით გამოსვლას გორში რუსეთ-საქართველოს ომში დაღუპულთა ოჯახების, სამოქალაქო აქტივისტებისა და ოპოზიციის პროტესტი მოჰყვა. კრ...