16 სექტემბერს აზერბაიჯანის პრეზიდენტ ილჰამ ალიევთან სატელეფონო საუბარში აშშ-ის სახელმწიფო მდივანმა ენტონი ბლინკენმა კიდევ ერთხელ გაუსვა ხაზი "მდგრადი და ღირსეული მშვიდობის მნიშვნელობას აზერბაიჯანსა და სომხეთს შორის", - ამბობს სახელმწიფო დეპარტამენტის პრესმდივანი მეთიუ მილერი. მისი თქმით, ბლინკენი მიესალმა ბოლო პერიოდში მიღწეულ პროგრესს ამ ორ მეტოქე სახელმწიფოს შორის, მათ შორის შეთანხმებას საზღვრის დელიმიტაციის წესებზე, რომლებმაც სომხეთის ოპოზიციის ნაწილში გულისწყრომა გამოიწვია. ბლინკენმა და ალიევმა ასევე განიხილეს რეგიონული და ორმხრივი თანამშრომლობის სფეროები, მათ შორის აზერბაიჯანის მხრიდან "ადამიანის უფლებების საერთაშორისო მოვალეობების და ვალდებულებების დაცვის" მნიშვნელობა, - დასძენს სახელმწიფო დეპარტამენტის პრესმდივანი. ასევე ნახეთ ირანი და რუსეთი სომხეთ-აზერბაიჯანის „ზანგეზურის დერეფანზე“ ვერ თანხმდებიან ...