ყოფილმა ეკონომიკის მინისტრმა, რომელიც ახლა ეროვნული ბანკის პრეზიდენტის მოვალეობის შემსრულებელია, სანქციების აღსრულების წესი 2023 წლის სექტემბერში შეცვალა, როცა აშშ-მა ყოფილ გენერალურ პროკურორ ოთარ ფარცხალაძეს დაუწესა სანქციები „საქართველოზე რუსეთის მანკიერი ზეგავლენის საპასუხოდ“. ამ დროიდან „საქართველოს მოქალაქეზე სანქციათა რეჟიმი ვრცელდება იმ შემთხვევაში, თუ დაწესებული სანქციების საფუძველთან დაკავშირებით გამოტანილია საქართველოს სასამართლოს კანონიერ ძალაში შესული გამამტყუნებელი განაჩენი“. ასევე ნახეთ ეროვნულმა ბანკმა ფარცხალაძისთვის „გამონაკლისი“ დაუშვა სანქციების აღსრულების წესში იმის მიუხედავად, რომ არსადაა გაწერილი, როგორ უნდა დაიწყოს სისხლისსამართლებრივი დევნა იმ პირთა წინააღმდეგ, რომლებსაც აშშ ასანქცირებს, ეროვნული ბანკი განმარტავს, რომ „ქართული საფინანსო სექტორი მოქმედებს სანქციათა რეჟიმებით გათვალისწინებული მოთხოვნების სრული დაცვით. საქართველო ამ დრომდე არასდროს ყოფილა და არც მომავალში იქცევა სანქციების თავის არიდების ადგილად“. 16 სექტემბერს ცნობილი გახდა, რომ აშშ-მა სანქციები დაუწესა შსს-ს განსაკუთრებულ დავალებათა დეპარტამენტის ხელმძღვანელ ზვიად ხარაზიშვილს, მის მოადგილე მილერი ლაგაზაურს, ულტრამემარჯვენე, ძალადობრივი მოწოდებებით ცნობილი „კონსერვატიული მოძრაობის“, იგივე „ალტ-ინფოს“ ლიდერებს, კონსტანტინე მორგოშიასა და ზურაბ მახარაძეს. ...