18 სექტემბერს გაეროს გენერალური ასამბლეა კენჭს უყრის პალესტინურ რეზოლუციას, რომელიც მოითხოვს, რომ ისრაელმა ერთი წლის განმავლობაში დაასრულოს თავისი „უკანონო ყოფნა“ ღაზის სექტორსა და ოკუპირებულ ტერიტორიებზე მდინარე იორდანეს დასავლეთ ნაპირზე, გაიყვანოს თავისი ჯარები და მოახდინოს ყველა ახალმოშენის ევაკუაცია. რეზოლუცია კენჭისყრაზე გააქვთ 193-წევრიან ასამბლეაზე მაშინ, როცა ახლოვდება ერთი წლისთავი ისრაელის მიერ ომის დაწყებისა პალესტინური ექსტრემისტული დაჯგუფება ჰამასის წინააღმდეგ (შეერთებულ შტატებსა და ევროკავშირში ტერორისტულ ორგანიზაციად არის მიჩნეული) და როცა მდინარე იორდანეს დასავლეთ ნაპირზე ძალადობა ახალ კულმინაციას აღწევს. ღაზის სექტორში ომი დაიწყო მას შემდეგ, რაც შარშან 7 ოქტომბერს ჰამასი თავს დაესხა სამხრეთ ისრაელს, მოკლა 1200-ზე მეტი ადამიანი და 250-ზე მეტი მძევლად აიყვანა. ღაზის სექტორის ჯანდაცვის უწყების თანახმად, ერთი წლის განმავლობაში მიმდინარე ომის მანძილზე სექტორში დაიღუპა 41 ათასზე მეტი პალესტინელი. გაეროში ისრაელის ელჩმა წევრ ქვეყნებს მოუწოდა, უკუაგდონ კენჭისყრაზე გატანილი რეზოლუცია. ასევე ნახეთ ისრაელის არმია დევნილთა ბანაკის დაბომბვაში დაადანაშაულეს ...