საქართველო პრემიერ-მინისტრი ირაკლი კობახიძე მედიასთან საუბარში კიდევ ერთხელ გამოეხმაურა პოლიციის ორი მაღალჩინოსნის მიმართ აშშ-ის მიერ დაწესებულ ფინანსურ სანქციებს და მას უწოდა "ქართულ-ამერიკული ურთიერთობების დანგრევისკენ მიმართული". მისი თქმით, ამ ნაბიჯის გამო გუშინ, 17 სექტემბერს, შეშფოთება გამოთქვა აშშ-ის ელჩ რობინ დანიგანთან შეხვედრისასაც და "მკაფიოდ დააფიქსირა", რომ, "თუ ამას დაემატება კიდევ ერთი ნაბიჯი, ამ შემთხვევაში ჩვენ მოგვიწევს პრინციპულად მსჯელობა გარკვეული პოზიციების გადახედვასთან დაკავშირებით". "ჩვენთვის პრინციპულად მიუღებელია არაპარტნიორული დამოკიდებულება ისეთი სახელმწიფოს მხრიდან, რომელსაც ეწოდება არა მარტო პარტნიორი, არამედ სტრატეგიული პარტნიორი. ამიტომ ყველას მოვუწოდებ, იმოქმედონ რაციონალურად, იმოქმედონ სამართლიანად", - თქვა ირაკლი კობახიძემ. მას არ დაუზუსტებია, რა იგულისხმა პოზიციების გადახედვაში და თქვა, რომ იმედი აქვს, "მიღებული გადაწყვეტილება იქნება ბოლო ურთიერთობების დანგრევის მიმართულებით". აშშ-ის ელჩი საქართველოში რობინ დანიგანი 18 სექტემბერს მედიასთან საუბარში გამოეხმაურა საქართველოს პრემიერ-მინისტრის, ირაკლი კობახიძის განცხადებას საქართველოს ოთხი მოქალაქისთვის, მათ შორის პოლიციის ორი მაღალჩინოსნისთვის, აშშ-ის მიერ ფინანსური სანქციების დაწესებაზე. როგორც ელჩმა რობინ დანიგანმა თქვა, "საქართველოს ხელისუფლების ბოლოდროინდელი ანტიდემოკრატიული მოქმედები, აშშ-სა და დასავლეთის შესახებ დეზინფორმაცია და პრემიერ-მინისტრის მიერ გუშინ გაკეთებული განცხადებების მსგავსი განცხადებები არ ეხმარება საქართველოს და საქართველოს ხალხს". ასევე ნახეთ საქართველოს მთავრობისგან იზოლაციის გამომწვევი განცხადებები არ ემსახურება ევროინტეგრაციის მიზანს - აშშ-ის ელჩი მან ასევე აღნიშნა, რომ "ქართველი ხალხის დიდმა უმრავლესობამ თქვა, რომ მათი მომავალი არის ევროპასთან და დასავლეთთან ერთად, და ქმედებები და განცხადებები, რომლებიც საქართველოს იზოლირებას ახდენს, ამ მიზანს არ ემსახურება". три 16 სექტემბერს ცნობილი გახდა, რომ აშშ-მა სანქციები დაუწესა შსს-ს განსაკუთრებულ დავალებათა დეპარტამენტის ხელმძღვანელ ზვიად ხარაზიშვილს, მის მოადგილე მილერი ლაგაზაურს, ულტრამემარჯვენე, ძალადობრივი მოწოდებებით ცნობილი „კონსერვატიული მოძრაობის“, იგივე „ალტ-ინფოს“ ლიდერებს, კონსტანტინე მორგოშიასა და ზურაბ მახარაძეს. გუშინ, 17 სექტემბერს კი, პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე თქვა, რომ აშშ-ის მიერ საქართველოს ოთხი მოქალაქის სანქცირება „არის ერთდროულად არასერიოზული და ძალიან სამწუხარო“ და „ამის ერთადერთი მიზანი შეიძლება იყოს არჩევნებზე გავლენის მოხდენა“. ბრიფი...