„გენდერის ნიშნით შეუწყნარებლობის მოტივით ჩადენილი ეს დანაშაული, არის შედეგი ბოლო წლებში მიმდინარე ჰომო, ბი, ტრანსფობიური პოლიტიკისა, რომლის მთავარი მიზანი ლგბტქ ადამიანების სიცოცხლის გაუფასურებაა. სამწუხაროდ, აქაც ყველაზე გარიყული და მოწყვლადი ტრანს ადამიანები არიან, განურჩევლად იმისა, რამდენად დაცულად ვგრძნობთ თავს“, - წერია ორგანიზაციის განცხადებაში. „თანასწორობის მოძრაობა“ ყურადღებას ამახვილებს ლგბტ უფლებების შემზღუდველ კანონზე, რომელიც პარლამენტმა 17 სექტემბერს მიიღო. ასევე ნახეთ „სახლში რამდენჯერმე მიუვარდა“ - რას ჰყვება მოკლული კესარია აბრამიძის მეგობარი ბრალდებულზე „ორი დღის წინ მიღებულმა ცენზურისა და სიძულვილის დამწესებელმა კანონმა მთავარ სამიზნედ ლგბტქ თემი, განსაკუთრებით კი ტრანს ადამიანები ამოიღო... ბოდიშს ვიხდით, რომ პირადი ტრაგედიის დროს პოლიტიკაზეც ვსაუბრობთ, თუმცა სხვა გზა აღარ დაგვრჩენია, რადგან დიდი ხანია, პირადი პოლიტიკურად გვიქციეს“, - წერია განცხადებაში. три არასამთავრობო ორგანიზაცია „პარტნიორობა ადამიანის უფლებებისთვის“ აღნიშნავს, რომ „წლებია პოლიტიკური ჰომოფობია და გენდერული უთანასწორობის თესვა ქვეყნის მმართველი პოლიტიკური ძალის დღის წესრიგად იქცა“. „სახელისუფლებო მედიასაშუალებებიც აქტიურად აწარმოებენ ჰომოფობიურ პროპაგანდას, იყენებენ სიძულვილის ენას და ამ გზით აღვივებენ ძალადობას საზოგადოებაში. სწორედ აღნიშნული გარემოებების შედეგია გუშინ მომხდარი შემზარავი მკვლელობა, ისევე როგორც, ზოგადად, ბოლო წლებში ქვიარ ჯგუფების მიმართ ჩადენილი დანაშაულები და ფემიციდის შემთხვევები“, - წერია განცხადებაში. три კესარია აბრამიძე თბილისში, საკუთარ სახლში 18 სექტემბერს, საღამოს მოკლეს. შსს-ს ცნობით, გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობის ბრალდებით 26 წლის კაცი 19 სექტემბერს დააკავეს. გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. „ფორმულამ“, „მთავარმა არხმა“ და „TV პირველმა“ გაავრცელეს კესარია აბრამიძის საცხოვრებელ კორპუსში სათვალთვალო კამერებით გადაღებული კადრები. მასში, სავარაუდოდ, ის კაცი ჩანს, რომელიც უკვე დაკავებულია. მან კორპუსი შესვლიდან 14 წუთში დატოვა. ...